That's my last day~

今日九点先走,瞓咗一陣覺,上咗一陣網,執埋d野,不知幾舒服.
咁早返屋企都無用,咁嘈都瞓唔到覺.不如係到瞓一陣仲好.

這個月又過了,這個月很多時候都好早走有事做,
一係就跟住ky七点先走.都無乜自己一個係到.

今日大家請我食飯,不過去咗迎囍.大家好像每人也用了八十大元.

雖然話天下無不散之筵席,不過人向前望,世界咁大,

香港社會又咁忙,每個未退休既人又只係顧住讀書鎌$,
又有幾何會見返鴉.

通常到了新既地方,有了新既遭遇,我通常都有新既朋友.
在新既朋友當中,我會練幾個我信得過的,aim傾的來做我知已.
除了知已外,很少和過去的人聯絡.

好彩之前醫生開咗兩日假俾我,唔係我li個禮拜一定捱唔住,
不過宜家都病咗lu,由傷風變咳,咳到我死.

今日又可以返屋企好好地舒舒服服咁瞓一覺了,實在太好.

真係覺得一邊聽歌.一邊寫日誌先知道自己做緊乜同埋黎緊要做乜.

我覺得可以做曬一日要做既事,仲有多餘時間反思自己,
又不會太遲回家吃飯睡覺,工作定時定候,生活井然有序既感覺真係好自由.

通常有十個不可能,有九個都係自己加上去既~

今日又有個婆婆又係好得意,問完又問.
他/她們一定是忘記了那個職員又是我.

成個星期都和爸爸說要晚返,留飯.
昨天放工後要和chole吃飯,收我最後一份生日禮物,chole知道我就黎要返學,所以這次送的生日禮物很實用,
是一個日本版的 Hello kitty大頭透明有蓋計算機,好靚.

不過我又要和爸爸說不回來吃飯,真係有点不好意思,
爸爸就來看不見我這個女兒.
爸爸其實知道我工作辛苦,有時工作回來後己經很夜,
飯後已經睡着了.連碗也沒執,他就會幫我收拾和洗碗.

開始有点照顧不到自己的感覺.
因為這個月的遲到已經打破了世界記錄.

返埋今日,一連晚上就返足四日,
搞到連套衫都著咗成五日都唔得閒換.

昨天心情還不錯.因為這幾天曾有張家昇,詩微陪我.

今天不知算不算是叫做心情低落.成日悶悶不樂.
返到the grand 都係同張家昇閒話家常.

這個星期我要返六日,winkie返得一日,carey同阿keith唔洗返,
張家昇同詩微都係返兩日.,真係靠曬我喇......
li輪因為做緊個新既優惠,搞到我答問題都答到聲都沙曬,
因為返得多,隻腳又好累.

今天好勤力做野,妙珠無返,阿lap放病假,victor上堂.
今日阿bun請我食下午茶,真好.

Victor雖然有時傻下傻下,但係佢真係一個好好既人,
昨天約了人未夠鐘也倍我行到好遠先走.
朋友都可以咁陪,如果是女朋友開口要去邊到邊到,
一定永無托手爭.
 
他的電話很大聲,我在旁邊聲到對面傳來的是女孩子的聲音,應該是約了女朋友瓜.

今天ky有上班,但是一諗起他甚麼地方也不陪我去就心都淡埋.
一d都唔識珍惜我.

他今天叫我file書,原來是file他的功課.
好了,他終於交功課了.
交了功課,他心情好像很好似的.
可我卻不是.今天很想當他透明.
但他不知道我諗緊咩,繼續和我說話,我也給我應有的禮貌給他.
其實我真係嬲死佢.

他這兩個月好像放了許多假去做功課.
交了功課就會無咁忙,但是我就要走na.

不過我想我是喜歡他的.
所以......咁就算la.
返正遲d都見不到他了.

佢仍然是我最愛既ky.

今天沒有和victor同阿lap食飯,今天帶了四隻炸帶子,一d碎肉金姑和一些炒蛋,超好味.我又用了十分多鐘超快的時間吃完我的迷你飯盒.今天午飲後沒有即刻睡覺,我不想浪費時間,所以用來了上網,但這也不覺得很珍惜時間.不過今天壓力沒有那麼大,放工後去上班還可以支持到的,所以不睡一回兒也ok.今日心情還不錯.

昨天心情真是很差,我好唔開心.唔開心到要咸起來.

我咸是因為我無助.唔知点算既心情,你又明唔明?

我以後都係唔好問佢得唔得閒,問瘨都只係會唔得閒.点解我次次鐘意既男仔都好似好忙,唔得閒理我咁既.唔,我好唔開心.

雖然我知道佢忙著做功課,又忙住交功課.今年做唔好個presentation就畢唔到業lu.公司又有好多野做....佢咁忙,唔通我仲要怪佢咩.我都無資格怪佢la,我都唔係日日都咁得閒.不過..........我真係好唔開心.

無同阿lap同victor食飯好耐lu,已經有好幾日喇,因為我知道自己唔開心,唔開心又要係佢地面前笑好辛苦,我又唔想俾佢地知道我唔開心,所以都係等我開心返先.

好在昨天唔知点解又會有個張家昇同我一齊做野,佢講東講西,我先無咁唔開心.

最後絲微話去食宵夜,我放十点半,其實都唔係好夜我又唔係好累,不過我知我食龍肉都無味,所以我無去lu.

我剩係想返到屋企,咪哩隻眼咩都唔理瞓覺.難得我咸完都唔係好累,瞓落床既一刻,我仲係滿懷心事,我真係有感我終於可以瞓覺,唔洗再諗野.

我唔應該諗到人地咁差.
咁樣諗人地係唔aim ga.
我都知我係煩咗d ga nar,
對唔對呀,我以後都唔會咁煩對住你ga nar.
我都覺得自己好煩呀.

我都唔知点解係你面前,我會變得咁煩ga.
其實你咁大個,人工又高過我,大又大過我,學歷又俾我多,
你又咁叻,做事又咁冷靜,EQ又咁好,

應該自己識照顧自己ga nar,又洗乜我咁擔心鴉.
我都係擔心吓!自已好過la.

難得一日放工回家,而回家懷着平靜的心情,沒有想到別處的感覺。

回到家沖涼，吃飯，從電視上看了兩眼很甜蜜的畫面，沒有洗過碗，還得很空閒地拾好兩袋從公司拿回家的"行李"......

晚上還可以和弟弟談心，弟弟走到了我的床上，他說很寄望星期六，因為我說星期六帶他到游泳池游水，他就從我說的那天望到衣家，他計着說還有兩日.....我前天應承他，他昨天就滿心歡喜地買了新泳褲。細路仔，真易哄......

最後我很舒服地睡著了還發了個很好既夢。

但是最好不要和別人一樣，睇得再化就沒有熱誠，那我和別人就沒有分別。

這兩年就好像發咗塲夢......
我不是工作不順利，也不是和同事關係不好，
但是換來的竟然是更加少想說話。

上星期一就一號風球都要去上堂，今日就掛個雷暴警告出黎。

今晚是Laughing哥首映，包曬我地十二個院一齊播，
今日又肯定有好多同事上鏡。
我今日本來都要去幫手，不過今日要去黃埔學游水，逃過一劫。==,

我覺得落雨自己一個人走出去，聽住歌，
搭車去某一個地方真係一件好浪漫既事黎，
所以我今日整裝待發，準備出發●

(不過我唔記得帶洗頭水同護髮素..)

而星期五，本來有班fd fd 約我去出海釣墨魚。

但是給我推掉了，出海釣墨魚當然不及這一年才約到出來一次的Celia重要。

星期五,我和Celia到了海港城吃東西^^
然後再到了尖東行街購物SHOPPING。

星期六，六点鐘工作完畢後到了表姨家吃飯，
她烹我最喜愛的雞亦大餐。
星期日，六点半鐘工作完畢後到了萬寧買了一些cosmetic後再到Three-Sixty買八爪魚食。

星期五，我買了兩件連身裙，一件絲質輕飄飄的，一件黑灰色，普普通通的，也買了一對涼鞋。一談到買東西，我就興奮莫明......

不過買得東西多，我也會自動收手的。
因為用得太多錢好像不太好，好像很揮霍似的。
兼且過度揮霍會有慚愧的感覺。

一和朋友踏進尖沙咀，我就有一種覺得世界真美好既感覺。
我那一天一定會心情非常好，兼且會每分每秒時時刻刻，
唔講野都會笑......heheheee
因為很多東西也很美，很有新意。

可證明我是一個百份百的女孩子^^''

尖沙咀有很多文化活動，我是指文化中心音樂廳，藝術館，太空館那兒，尖沙咀海旁附近也有很多用來吸引外國遊客的藝術，例如剪紙..本來那些中國藝術的 " 舖灘 " 是用來吸引外國人的，
但是我就很好那些無聊的小玩意。

我很愛到上船門口旁邊那個商場入面的某一家店舖，
售買中國產物，例如扇、屏風、杯等，但是很多都是迷你版。
本人很喜愛迷你的東西，所以本來設計給外國人買回去當手信的禮物和擺設，也給我這個香港人買了回去。我曾買下兩隻迷你玻璃杯，上面有刻有香港的字眼和龍的圖案。

在我剛出來工作的第二年，
行星光大道或海旁吹海風是我和朋友傾偈談心的習慣，
現在想行海旁吹海風簡直就是望想。

我很久也沒有到過TST shopping lu...
現在來來去去經過的地方只有石硤尾站(我的家)，九龍站和佐敦站。遲些也只會改為石硤尾站，九龍站和紅磡站。

忙咗足足兩年，我同自己講,過埋li三年，我一定要過返d正正常常既生活 ●

你盡過力,盡曬力咪得law.爭取唔到都都無辦法格.

大不了咪咸下law,咸完,唔開心完,咪無事law.~~~

這星期很多應酬,很累..天常常也很熱.也忙着辦理入學手續......
又要忙著砌我的小屋.

不熟的朋友也不去應酬.估不到瑞喜我也有再讀書既一日.

雖然日日回到家也很累,我懂得調節自己,但是並不容易,因為我也很累..

每天和朋友吃完飯或做完兼職回來也很累,我唯一調節自己的辦法是......
回家洗澡刷牙睡覺......

所有事待明天精精神神才幹.還要慢慢不急不急的去幹.

今天,我就很早起來.起來做我的執拾工作...再上網,再上班...盡量用我最多既時間,最好既精神,做我最喜歡的事.

東西要收拾得好好的才有心機做其他的事,所以每逄星期六日,珍早上還有多点時間就去執拾東西,清理門戶.

我心想這個八月忙忙的又會過喇.

黑漆漆在上網是我最喜歡的環境.要努力守護自己既世界,我會盡量令我的世界和諧平靜,不會那麼現實和吝嗇,那麼我的世界就會美麗一點.

我相信所以我堅持.

今日又聽到佢咳咗兩聲nar...>.<

今日可以去睇"蠂"音樂劇,,,好yeah!

好似話打造了十年,秏資了六千萬既巨製wor..

我剩係知佢會係世界各地巡迴演出,香港有六塲,哈爾濱都有.

我嗰塲係第一塲,就會睇埋開幕禮....