  |
  
|
今天早了出門, 難得早了出門 , 火車卻出現了事故,,,
火車在九龍塘停了一陣子.很多工作人員在月台上十分忙碌著, 十分忙碌著的也是站在月台上站著, 看看有甚麼可以幫手. 不過她們的神色就比較凝重...很擔心似的.我看見最忙的好像是最高級那位...不停叫着walkie. 說司機都不知道有甚麼故障.
幸好火車很快又開出, 不然下一班列車到的時候就麻煩了. 要停低.
呚...........天氣咁凍,
明天要去珠三角洲進行各種參觀.
聽日都唔知点樣咁早起身去到集合地点.............poly coreA fountain..
要記得記得帶回鄉卡....去之前仲要去提款先..
今次是小女子除去廣州外, 第二次出門到香港以外的地方...
雖沒有隆重其事和心情緊張, 但我只怕明天起不到床, 浪費了考察的報名費, 最後我充滿了我兩部電話的電....
唉...........今日真係好凍呀........
昨天收到一個消息, 詩微不幹了, 怪不得無端端話一起去打邊爐la.
好彩佢昨天話俾我知, 唔係我可能又不去了. 雖然考試在即,又有兩個報告未做完, 本應留在家温習. 但是她說給我要去打邊爐的原因後, 我立即想也不用想, 答應她了. 因為相比起來, 她好像more重要. 如果她走了, 我以後也看不見她了. 如果可以見面, 機會也很少. 平時返工都不是日日見, 何況她遲了職~
今個星期四,五是我不用上班的日子, 那天我本應安排了第一日去覆習maths的, 因為考的第一科好像正正就是maths. 不過現在我唯有冒着考試不合格的危險去參加那個打邊爐聚會....我好像誇張了~
唉~~~~~~~~~~有很多事情都說不出... 自從我喜歡的那個男生被另外一位男生當着我面前揭穿了有女朋友後, 我和他關係好像差了......怪不得有一次想用他的手機來看時間時, 他很緊張地拿回. 而當另外一個男生當着我面前說他有女朋友後, 他看了我兩眼....那都不知是好事還是壞事...............
唉~ 今天好像和他沒有兩句....之前我慶幸自己一星期有一日可以坐在他的隔離, 和他說話. 現在我決定明天坐他遠一些, 免得自己辛苦時又破壞別人幸福家庭......縱然其實甚麼事情也沒有發生過.......=.="
Mid-test 終於過去, 只不過是過了兩個月, 我也有一些"艷遇" 和一些小感情.....
話說只不過是過了兩個月, 鄰班的有位男生時常約我去吃午飯, 是給他看見我午飯的時候經常自己一個, 其實是我有很多事幹, 吃過飯後要幹自己的事, 所以才決定一星期四日都自己同自己食.
也曾有一位女孩子單獨走過來問我, 為甚麼不和她們吃飯, 說以後一定要和她們一起吃飯哦. 不過我只是說我有時帶咗飯,間接推掉了. 其實我心入面的答案是如果我和你們吃飯,我就做不完我的工作,因為我平時的時間也不多. 其實我也很想話好, 我也很想和你們吃飯....
而那個鄰班的男生呢,,,他是我班上一位男同學的中學同學, 透過上lecture認識了我, 很少時候也會坐在我的旁邊, 原來他以為我沒朋友, 他不知道我上堂不喜歡說話, 下了堂不知幾多說話要說, 可惜他看不見. 有一次他的朋友, 我班上的一個同學大大聲聲在班房說, 他很想和我吃飯叫我打給他, 因為我那天的手機關了. 從此他喜歡我的傳聞就出現了. 我當然懷疑這個傳聞.......因為我根本和他不是很熟稔. 但是據了解他不是一個懷孩子.
woW~鄰班的, 記得中學有一次又是和鄰班的同學拍拖, 他送了很多毛公仔給我, 又很大擔地向我表白, 順理成章地我就成為了他的女朋友, 我那時還拋棄了我當時的男朋的.
我們是真心相愛的, 每天放學都會和他一起. 他很高大, 每次抱着他都是去做他的肚子. 我知道他好愛我的, 有甚麼可選擇的, 他都會先給我選擇先. 每天他都會幫我買維他奶,每次我都會叫他買白色的 (因為白色的維他奶在我心目中又有另一個故事), 然後我每次給回他錢, 他誓死也不要, 我有時只好靜靜地放錢在他的袋中, 不知道他有沒有發覺他的袋子越來越重, 將錢拾回出來?
不過有一樣野是他從來沒做過的, 是他從來沒有認真說過一句喜歡我的說話, 就是因為這樣, 很容易我就跟了別人走了. 記得有一次, 他問我 "你有甚麼事 ?" , 他說我好像和平時不同, 不發笑, 整天在發呆, 好像有煩惱.
"你有甚麼事 ?" 那句在我有最深的回憶.
因為這是他最後一句關心我的說話. 也是因為他平時除了和我說笑玩耍外, 很少時候他會出口關心我的, 我有事的時候, 我通常只會靜靜地坐在他的身邊, 而他察覺不到我有心事. 不過我不會怪他的, 因為他是班上出名cool的, 他會和我玩耍和說笑,我已覺得很開心.
"你有甚麼事 ?" 我回答他"我沒事.." 這也是我和他說的最後一句說話.
但是到最後我和那個鄰班的同學都是分手收場, 因為其實我和他根本就不是很熟稔....呵呵呵呵.....我那時為何這樣傻, 我也不知道.... 因為他放棄了我喜歡的男孩子??? 應該不會是因為那些毛公仔吧~)
返回現在, 在一次吃飯的時候, 我曾經提過我是大過他的, 還不只大一兩年之隔, 之後他也繼續約我吃飯, 真是奇怪啊.......好奇怪tim 啊.....根據我的直覺覺得, 他只是想和我做朋友,而不是傳聞中的那般. 我亦不想患有别人常說有些女孩子常會患的"公主病", 以為自己有很多人鐘意.....
er.......有"公主病" 這個名詞, 唔知又會唔會有" 王子病" 這個名詞ga呢 ?~
今日回暖返好多nar, 但係我依然著到成"舊" "粽" 咁,
因為我真係好怕好怕凍....呀.
過埋li 個星期就考完mid-term nar, 我真係要再努力d nar, 其他科都有信心可能考到d咩成績, 唯獨是thinking嗰一科我掌握唔到, 我背唔熟d definition, d 乜乜sophy, 乜乜nism, 乜乜principle, 邊個argument係邊個哲學家都記得唔係好清楚....Plato...Kant....J. S. Mill...仲有邊個呢..? 因為實在太混亂, 所以我考得好差, 五十條MC都好似aim 咗十五條咗右....我計過...
測完今次驗, 我知道我失咗好多分, 但係我就知道下次應該点樣温li一科既書, 我諗住下次可以考好d, 点知下次已經唔洗再考lu, 之後都係靠做group project 攞分, 真係激死人.....
唉.....算nar! 我知道唔會科科都咁成功過關....
下星期就見到victor同阿lap lu, 我講過測完曬d驗就可以同你地食飯。好耐無見你地na! 我希望可以快d見到你地呀。 這兩個星期, 我真係好辛苦. 我好想同你地訴告....呀.我知道你地同我一樣都咁忙ga nar..victor竟然用"一浪接一浪"來形容, 真係誇張^^ 我真係好掛住你地..
唔知道傻瓜ky点呢...唔知道佢有無帶我上年送俾佢嗰條籃色頸巾呢...?? 只怕佢嫌我條頸巾太長, 帶回佢以前話有個女仔朋友送俾佢既手織的綠色頸巾.....不過無論帶邊條都好, 我只希望佢唔好再凍親, 隻手可以暖返d就好喇。
今日真係好開心呀, 今日見到鄧健泓,
好大隻眼睛, 好燦爛既笑容, 真係好可愛, 好燦爛呀。
原來今日係鐘麗緹生日,
鐘麗緹同以前一樣咁靚, 咁"省鏡"...
我今日咁開心都係因為可以見到鄧健泓既真人, 我係電視機到已經覺得佢好靚隻眼好大好吸引人, 份人又可愛, 都已經好鐘意佢ga nar....總之今日就好開心la !
雖然之前有一次都好近距離見過鄭家穎既真人, 都好有型, 都好斯文..都好靚, 但係鄧健泓這個藝人我已經鐘意咗好耐, 每次係電視到都覺得佢好靚, 隻眼好可愛..好好笑..。今日係偶然間俾我有一個機會見到佢, 仲要只係相隔兩個身位喳, 我真係睇得好清楚佢個好可愛既樣......^^所以我真係覺得好突然同好開心...
今日湯盈盈好像是搞手, 她準備了蛋糕國慶祝, 所以我只係有和她溝通過, 就沒有和其他人說過話了, 同事話有d tvb既高層, 但係我都唔識既...有d唔係好出名既藝人, 我認得佢地個樣, 但係就唔記得佢地個名.....其實我都唔係好留意藝人, 我剩係記得鄧健泓!
雖然我知道其他同事都唔會特別覺得鄧健泓好靚, 但係我就對佢情有獨鐘喇! 到了放工, 我依然覺得好開心 。
唔.....我真係覺得係外國返黎既人, 不論名星定係普通人都好鐘意講講下英文, 無端端又講句中文, 講講下中文, 又無端端講句英文~点解gei...??
今日真係凍咗好多呀, 我著咗好多衫, li輪都留咗係學校到温書, 留到九点..雖然都唔係做咗好多野, 但係都好過係屋企咩都做唔到...
這兩天都覺得好懶呀, 咁凍既天氣, 最aim就係懶....
感謝天父, 我這兩天真是覺得很自由. 完全感受到自由既氣息.
原來做一個不起眼的人是這麼舒服, 我很享受這自由的氣息.
沒有人理會, 沒有人管束, 在這自由的國度裏休息, 休息...
給在這幾年真正的舒泰一下, 忘記這幾年感情受到的傷害.
又到冬天, 又是心靈休息的日子..
昨天上班, 見到在外國回來的戴維斯Davis和嘟仔, 閒談了幾句, 很開心. 原來戴維斯那放四個月假, 不用上學, 回來香港找点工作經驗及儲点零錢. 而嘟仔找了半年都找不到工作 .........都唔知係咪既????!!!!!!
今天也是下學期選科的最後一日, 我本來選了兩科Science兩科Social.
過了前天探訪完露宿者之後, 我立即將我那兩科Social Studies 改了兩科我從未讀過東西, 就是Business Management 同 People & Culture 這會好一点. 雖然做社工可以幫到很多人, 但是我好像不喜歡這樣幫人的方式...但是有一科我是一定不會揀的, 就是Maths in Science and Engineering~~~
唉..我知道社會有很多問題, 而我不想再研究那些東西.
我知道研究那些東西和做那些東西的project是一件很煩的事來.+.+"""
本來想揀一科理工大學將會重点發展的科目Hostel and Tourism Management，因為它已在隧道附近加建一所酒店，作為實習用途，但是最後我也沒有揀到。
今日真係好，唔洗返工又唔洗返學，今日想去剪個頭髮，落去萬寧買下野，好久也未有咁舒服．打咗篇文.......
幸好ＫＹ教我做咗兩條問題，昨日阿康又教我做咗三條，我今日先無咁煩對住Ｄ ＭＡＴＨＳ．我發覺男仔真係加過女仔好多呀．又叻又大方！我本來都好驚，因為我連Ｄ ＰＲＯＢＡＢＩＬＩＴＹ既好淺的問題都唔識，我好驚，又打唔到俾ＫＹ，諗住要花整個六日去研究，可能研究完都唔係好明．
我真係好彩，上班剛好給阿康見到我唔知係到睇甚麼，看一下就用咗半個鐘教咗我三條問題同埋舉咗Ｄ例子教我理解ＰＲＯＢＡＢＩＬＩＴＹ，大概既精髓同埋点解我都明咗Ｄ．期間我當然問咗十萬個為什麼ＬＡ．如果靠我自己睇書我真係有Ｄ擔心．
但係点解咁叻ＧＡ呢，ＫＹ叻就唔洗講，人地話曬都係大學生，仲要ＭＡＴＨＳ好犀利個隻．但係阿康離開咗學校四五年都記得咁清楚ＧＥＩ，我都無俾個答案佢睇，但係條條都做ＡＩＭ曬ＧＥＩ，仲好有耐性教返我．佢仲話能夠用ＰＲＯＢＡＢＩＬＩＴＹ去賭＄就只有二一点咁話ＷＯＲ．．？？我都唔係好明．
總之Ｄ男仔Ｄ ＭＡＴＨＳ就好犀利ＬＡ．我學校Ｄ男仔Ｄ ＭＡＴＨＳ都係做得比女仔快好多．我希望能夠向他們學習學習ＬＡ．
